صدرمملکت آصف علی زرداری کی دورہ چین کے دوران صوبہ ہونان کے پارٹی سیکرٹری سے ملاقات ، ظہرانے میں شرکت

اسلام آباد۔( نمائندہ خصوصی):صدرمملکت آصف علی زرداری نے دورہ چین کے دوران صوبہ ہونان کے پارٹی سیکرٹری سے ملاقات کی اور گورنرکےظہرانے میں شرکت کی۔ ایوان صدر کے پریس ونگ سے جاری بیان کے مطابق اس موقع پر زراعت، صحت، تعلیم اور تجارت کے شعبوں میں تعاون کوفروغ دینے پرتبادلہ خیال کیا گیا۔ ملاقات میں پاک۔چین تعلقات مضبوط بنانے پر اتفاق کیا گیا۔صدر مملکت نے کہا کہ پاک۔چین تعلقات پاکستان کی خارجہ پالیسی کا اہم جزو ہیں۔ آصف علی زرداری نے کہا کہ چین کے ساتھ تعلقات نسلوں پرمحیط ہیں۔ انہوں نے کہا کہ پاکستان اورچین کے عوام کے دل ایک ساتھ دھڑکتے ہیں صوبہ ہونان کے گورنرنے پاک چین دوستی کومثالی قراردیا۔