اسلام آباد( نمائندہ خصوصی):ڈی جی ایف آئی اے ڈاکٹر عثمان انور سے برطانوی ہائی کمشنر جین میریٹ نے ملاقات کی جس میں دونوں ممالک کے درمیان قانون نافذ کرنے والے اداروں کے مابین تعاون کو مزید وسعت دینے پر تفصیلی تبادلہ خیال کیا گیا۔ملاقات کے دوران جرم اور دہشتگردی کے خلاف مؤثر کارروائی کے لئے انٹیلی جنس اور ڈیٹا شیئرنگ کو بہتر بنانے پر زور دیا گیا۔
سرحدوں کی نگرانی اور غیر قانونی نقل و حمل کو روکنے کیلئے مشترکہ اقدامات پر اتفاق کیا گیا۔ملاقات میں قانون کی بالادستی اور سکیورٹی چیلنجز سے نمٹنے کیلئے دونوں ممالک نے مستقبل میں مل کر کام کرنے کے عزم کا اعادہ کیا۔
ڈی جی ایف آئی اے ڈاکٹر عثمان انور کی برطانوی ہائی کمشنر سے ملاقات، سکیورٹی تعاون پر اتفاق
