وزیرِ اعظم شہباز شریف سے وفاقی وزیررانا تنویر حسین کی ملاقات

لاہور( نمائندہ خصوصی)وزیرِ اعظم محمد شہباز شریف سے وفاقی وزیرِ قومی غذائی تحفظ رانا تنویر حسین نے ملاقات کی۔پیر کو وزیراعظم آفس کے میڈیا ونگ سے جاری بیان کے مطابق وزیر اعظم نے رانا تنویر حسین کو عید الفطر کی مبارکباد دی۔ملاقات میں رانا تنویر حسین نے موجودہ صورتحال میں ملکی غذائی ضروریات کے ذخائر اورخلیجی ممالک کو اشیاء خورونوش کی برآمدات پر پیش رفت سے بھی آگاہ کیا۔انہوں نے بتایا کہ ملک میں غذائی اشیاء وافر مقدار میں موجود ہیں۔