نواب شاہ۔( نمائندہ خصوصی):صدرِ مملکت آصف علی زرداری نے نوابشاہ میں بالو جا قُبہ میں اپنی والدہ بیگم بلقیس سلطانہ اور والد سردار حاکم علی زرداری کے مزار پر حاضری دی، فاتحہ خوانی کی اور پھول چڑھائے۔
ایوان صدر کے پریس ونگ کی طرف سے اتوار کو جاری بیان کے مطابق صدرِ مملکت نے بالو جا قُبہ میں اپنے دیگر عزیز و اقارب کی قبروں پر بھی حاضری دی، قبروں پر پھول چڑھائے اور مرحومین کے درجات کی بلندی اور مغفرت کے لیے دعا کی۔ انہوں نے پاکستان کی سلامتی اور خوشحالی کے لیے بھی خصوصی دعا کی ۔
