سیاحتی ویزے کی آڑ میں دبئی جانے والی دو خواتین گرفتار ایک کا غیراخلاقی نیٹ ورک سے تعلق کا اعتراف

کراچی( کرائم رپورٹر) ایف آئی اے امیگریشن نے جناح انٹرنیشنل ایئرپورٹ کراچی پر بڑی کارروائی کرتے ہوئے دبئی جانے والی دو خواتین کو گرفتار کر لیا ملزمان کو امیگریشن کلیئرنس کے دوران مشکوک سفری دستاویزات اور بیانات کی بنیاد پر آف لوڈ کیا گیاایف آئی اے حکام کے مطابق گرفتار خواتین نے ابتدائی تفتیش میں انکشاف کیا کہ وہ سیاحتی ویزے کی آڑ میں بیرونِ ملک ملازمت کی غرض سے سفر کر رہی تھیں دورانِ تفتیش فیصل آباد سے تعلق رکھنے والی ایک خاتون نے غیراخلاقی نیٹ ورک سے وابستگی کا اعتراف بھی کیا ہےحکام کا کہنا ہے کہ کارروائی کے دوران خواتین کے سفری انتظامات کرنے والے مرکزی ملزم کو بھی گرفتار کر لیا گیا ہے جبکہ ملزمان کے قبضے سے متعدد موبائل فونز برآمد ہوئے ہیں، جن سے واٹس ایپ چیٹس اور وائس نوٹس حاصل کیے گئے ہیں جو تفتیش میں اہم شواہد قرار دیے جا رہے ہیںایف آئی اے کے مطابق واقعہ انسانی اسمگلنگ کے زمرے میں آتا ہے جس پر تمام گرفتار ملزمان کو مزید قانونی کارروائی کے لیے اینٹی ہیومن ٹریفک سرکل کے حوالے کر دیا گیا ہے جہاں تفتیش کا دائرہ مزید وسیع کیا جا رہا ہے