پنجاب پولیس کے افسر ریٹائرمنٹ پر انوکھا اور یادگار انداز : ایماندار پولیس ملازم کا بھنگڑا ڈال کر خوشی و وقار کی مثال قائم

نور پور تھل ( نمائندہ خصوصی)نورپور تھل پنجاب پولیس جیسے منظم اور باوقار ادارے میں طویل عرصہ تک دیانتداری فرض شناسی اور پیشہ ورانہ لگن کے ساتھ خدمات سرانجام دینے کے بعد اسسٹنٹ سب انسپکٹر ایس آئی محبوب علی کی ریٹائرمنٹ نہ صرف ایک سرکاری مرحلہ تھی بلکہ ایک خوبصورت مثبت اور یادگار لمحہ بھی بن گئیالوداعی تقریب کے موقع پر ASI محبوب علی نے ڈھول کی تھاپ پر بھنگڑا ڈال کر اپنی خوشی کا اظہار کیا، جس نے نہ صرف تقریب کو منفرد بنا دیا بلکہ یہ پیغام بھی دیا کہ ایمانداری اور سکونِ ضمیر کے ساتھ کی گئی سروس انسان کو وقار اطمینان اور خوشی عطا کرتی ہےان کا یہ انداز اس بات کی عملی مثال ہے کہ پنجاب پولیس کے افسران اپنی خدمات کو باعثِ فخر سمجھتے ہوئے ادارے سے خوش دلی کے ساتھ رخصت ہوتے ہیںیہ امر قابلِ تحسین ہے کہ آئی جی پنجاب ڈاکٹر عثمان انور کی قیادت میں پنجاب پولیس میں ایک ایسا مثبت، دوستانہ اور پروفیشنل ماحول فروغ پا رہا ہے جہاں ملازمین کی خدمات کو عزت احترام اور قدر کی نگاہ سے دیکھا جاتا ہےاسی طرح آر پی او سرگودھا ڈویژن کی مؤثر نگرانی اور حسنِ انتظام کے باعث ضلع میں پولیس افسران و اہلکاروں کی فلاح و بہبود حوصلہ افزائی اور عزت افزائی کے خوبصورت مناظر سامنے آ رہے ہیں جو ادارہ جاتی مضبوطی کی روشن علامت ہیںہم ASI محبوب علی کی طویل باوقار اور خدمات سے بھرپور پولیس سروس کو سلام پیش کرتے ہیں اور دعا گو ہیںکہ اللّه تعالیٰ انہیں ریٹائرمنٹ کے بعد صحت سکون عزت اور خوشحال زندگی عطا فرمائےاللّه رب العزت ان کے اہلِ خانہ کے لیے بھی آسانیاں خیر و برکت اور دائمی خوشیاں مقدر فرمائے اور ان کی آئندہ زندگی کو پہلے سے بہتر اور پُرسکون بنائےیقیناً ایسے مناظر پنجاب پولیس کے مثبت تشخص کو مزید اجاگر کرتے ہیں اور آنے والی نسلوں کے لیے حوصلہ امید اور مثال بنتے ہیں