کراچی کے علاقے صدر میں افغان ٹھیلے والوں کا ٹریفک پولیس افسر پر تشدد۔ایک ملزم گرفتار

کراچی ( خصوصی کرائم رپورٹر)کراچی کے علاقے صدر میں ٹھیلے والوں کی بدمعاشی عروج پر پہنچ گئی جہاں انہوں نے ٹریفک پولیس کے افسر کو تشدد کا نشانہ بنایا ٹھیلے والے نے ٹریفک پولیس افسر کو تشدد کا نشانہ بنایا جس کی فوٹیج سوشل میڈیا پر وائرل ہوگئی۔ٹریفک پولیس افسر نے ٹھیلے والے کو سڑک سے ہٹانے کی کوشش کی تو ملزم نے تشدد کا نشانہ بنانا شروع کردیافوٹیج میں دیکھا گیا کہ دھکے دیئے جانے سے پولیس افسر زمین پر گرگیا جب کہ دیگر پتھارے والے اور ٹریفک پولیس کے اہلکار بیچ بچاؤ کرواتے رہے۔پولیس کے مطابق واقعے کا مقدمہ درج کرکے ملزم عبد القادر کو گرفتار کرلیا گیا ہے جب کہ اس کے فرار ساتھی کی تلاش جاری ہےمیڈیا رپورٹس کے مطابق کراچی کے علاقے صدر میں پتھارے ہٹوانے پر 2 ریڑھی بان نے ٹریفک پولیس افسر کو تشدد کا نشانہ بنایا جس کامقدمہ درج کر لیا گیا ہے۔ واقعہ کی ویڈیو بھی منظر عام پر آگئی ہے جس میں دیکھا گیا کہ ٹریفک پولیس افسر نے جیسے ہی پتھارے سڑک سے ہٹانے کی کوشش کی تو 2 ملزم نے اس پر تشدد شروع کیا، دھکے دیے جانے سے پولیس افسر زمین پر گر گیا، دیگر پتھارے والے اور ٹریفک پولیس کے اہلکار بیچ بچاؤ کرواتے رہے، واقعہ میں ملوث ایک ملزم کو گرفتار کرلیا جبکہ دوسرے کی تلاش جاری ہے۔ حکام کے مطابق واقعہ کا مقدمہ متاثرہ پولیس افسر محمد حفیظ کی مدعیت میں صدر پولیس نے درج کیا، متن کے مطابق مبارک شہید روڈ پر ٹریفک جام کی اطلاع پر دیگر اہلکاروں کے ساتھ پہنچا، تھلے والے سڑک پر آکر کاروبار کر رہے تھے جس سے ٹریفک کی روانی میں خلل پڑا، ٹریفک جام کرنے والے ایک پتھارے والے کو گرفتار کرلیا گیا۔