لاہور:پنجاب میں امراضِ قلب کے علاج کیلئے انٹراویسکولر سرجری کی جدید ترین تکنیک متعارف کرانے کا فیصلہ

لاہور( نمائندہ خصوصی) پنجاب میں امراضِ قلب کے مریضوں کیلئے علاج کے جدید اور محفوظ طریقے متعارف کرانے کا فیصلہ کر لیا گیا ہے انٹراویسکولر سرجری جو روایتی اوپن سرجری کا جدید اور کم خطرناک متبادل ہے جلد صوبے کے بڑے سرکاری ہسپتالوں میں متعارف کروائی جائے گیاس سلسلے میں وزیراعلیٰ پنجاب مریم نواز شریف سے اوکلاہوما ہارٹ ہسپتال کے چیئرمین بورڈ آف ڈائریکٹرز ڈاکٹر نعیم طاہر خیلی کی سربراہی میں وفد نے ملاقات کیملاقات کے دوران پنجاب میں انٹراویسکولر سرجری کے فروغ ڈاکٹروں کی تربیت اور جدید طبی آلات کی فراہمی پر تفصیلی تبادلہ خیال کیا گیابریفنگ میں بتایا گیا کہ انٹراویسکولر سرجری کے ذریعے خون کی نالی میں ایک نہایت چھوٹے سوراخ سے انجیوپلاسٹی سٹینٹ اور ابلیشن جیسے پیچیدہ طبی عمل انجام دیے جاتے ہیں جس سے مریض جلد صحتیاب ہو جاتا ہے اور پیچیدگیوں کا خطرہ بھی کم ہو جاتا ہےامریکن ماہر ڈاکٹرز کی جانب سے پنجاب کے ڈاکٹروں کو جدید تکنیک پر تربیت دینے کی تجویز پر اتفاق کیا گیا چلڈرن ہسپتال نشتر ہسپتال اور جناح ہسپتال کے ڈاکٹروں کو ٹریننگ دینے کا بھی فیصلہ کیا گیا ہےوزیراعلیٰ مریم نواز شریف نے جناح انسٹی ٹیوٹ آف کارڈیالوجی اور نواز شریف میڈیکل سٹی میں امراضِ قلب کے علاج کا یہ جدید طریقہ کار متعارف کروانے کیلئے فوری اقدامات کی ہدایت جاری کی انہوں نے انٹراویسکولر سرجری کیلئے جدید طبی آلات کی خریداری کے احکامات بھی دیےملاقات کے دوران رخسانہ فاؤنڈیشن کی جانب سے ہیلتھ اور تعلیمی خدمات پر بھی بریفنگ دی گئی جس پر وزیراعلیٰ نے فاؤنڈیشن کی خدمات کو سراہا اور پنجاب میں ڈاکٹروں کی ٹریننگ کیلئے ان کی خدمات حاصل کرنے پر اتفاق کیا