جاوید عالم اوڈھو کو آئی جی سندھ بننے پر کنزیومرز ایسوسی ایشن آف پاکستان کی مبارکباد

کراچی(نمائندہ خصوصی) کنزیومرز ایسوسی ایشن آف پاکستان (CAP) جاوید عالم اوڈھو کو ان کے عہدے انسپکٹر جنرل آف پولیس، سندھ سنبھالنے پر دل کی گہرائیوں اور گرمجوشانہ مبارکباد کے ساتھ خراج تحسین پیش کرتی ہے۔ CAP کے چیئرمین کوکب اقبال نے کہا کہ جاوید عالم اوڈھو کا یہ اعلیٰ عہدہ سنبھالنا ان کی شاندار پیشہ ورانہ خدمات، انتظامی مہارت اور قانون نافذ کرنے والے اداروں میں نمایاں خدمات کا مستحق اعتراف ہے۔ CAP نے جاوید عالم اوڈھو کی ایڈیشنل آئی جی پولیس کے طور پر خدمات کی بھی تعریف کی اور خاص طور پر جرائم پر قابو پانے، عوامی نظم و ضبط قائم رکھنے، اور ٹریفک انفورسمنٹ کےنظام کو مضبوط بنانے میں ان کی نمایاں کوششوں کو سراہا۔ ان اقدامات کے نتیجے میں عملی کارکردگی میں بہتری، ٹریفک قوانین پر بہتر عمل درآمد اور پولیس کے اداروں پرعوامی اعتماد میں اضافہ ہوا، جسے شہریوں اور سول سوسائٹی نے بھی تسلیم کیا۔ چیئرمین کوکب اقبال نے مزید کہا کہ جاوید عالم اوڈھو کا پیشہ ورانہ رویہ، قانون کی حکمرانی کے لیے عزم، اور عوامی خدمت پر زور نے پولیس فورس میں اعلیٰ معیار قائم کیا ہے۔ CAP کو یقین ہے کہ ان کی قیادت میں سندھ میں قانون نافذ کرنے والے ادارے مزید مضبوط ہوں گے، حکمرانی میں بہتری آئے گی، اور عوامی تحفظ میں اضافہ ہوگا۔ اس خوشی کے موقع پرCAP نئے سال کے لیے بھی نیک خواہشات کا اظہار کرتی ہےاور دعا ہے کہ یہ سال جاوید عالم اوڈھو کے لیے صحت کاملہ اور اپنے عہدے کی ذمہ داریاں بخوبی انجام دینے میں مزید کامیابیاں لے کر آئے۔ CAP کے مینجنگ کمیٹی کے اراکین اور خواتین ونگ نے بھی نیک خواہشات اور مبارکباد پیش کیں۔