صدر مملکت آصف علی زرداری کی نجف آمد

نجف( نمائندہ خصوصی):صدر مملکت آصف علی زرداری نجف پہنچ گئے،نجف ایئرپورٹ پر گورنر يوسف مكی كناوی نے صدر پاکستان کا استقبال کیا۔ صدر پاکستان اور گورنر نجف کے درمیان ایئرپورٹ پر ملاقات ہوئی جس میں صدر پاکستان کے دورہ نجف کے دوران دو طرفہ امور پر تبادلہ خیال کیا گیا۔ایوان صدر کے پریس ونگ سے جاری بیان کے مطابق نجف میں اپنے قیام کے دوران صدر مملکت آصف علی زرداری حضرت علی رضی اللہ تعالیٰ عنہ اور کربلا میں حضرت امام حسین رضی اللہ تعالیٰ عنہ اور حضرت عباس ابن علی رضی اللہ تعالیٰ عنہ کے مزارات پر حاضری بھی دیں گے۔