وزیراعظم محمد شہباز شریف اقوام متحدہ کی جنرل اسمبلی کے 80 ویں اجلاس میں شرکت کے لئے لندن سے نیو یارک روانہ

لندن ( نمائندہ خصوصی):وزیراعظم محمد شہباز شریف اقوام متحدہ کی جنرل اسمبلی کے 80 ویں اجلاس میں شرکت کے لئے لندن سے نیو یارک کے لئے روانہ ہو گئے ۔ پیر کو وزیراعظم آفس کے میڈیا ونگ سے جاری بیان کے مطابق لندن کے لیوٹن ائیرپورٹ پر برطانیہ میں پاکستان کے ہائی کمشنر ڈاکٹر محمد فیصل اور سفارتی عملے نے وزیراعظم کو الوداع کیا ۔ وزیراعظم اقوام متحدہ کی جنرل اسمبلی کے 80 ویں اجلاس سے خطاب کریں گے۔ اقوام متحدہ کی جنرل اسمبلی اجلاس کے موقع پر وزیراعظم کی کئی عالمی رہنمائوں سے ملاقاتیں متوقع ہیں۔