ایف آئی اے نے پلاٹ کی غیر قانونی منتقلی پر سی ڈی اے کے ڈپٹی ڈائریکٹر امداد علی اور کمپیوٹر آپریٹر آجون شاہ کو گرفتار کرلیا

اسلام آباد۔(نمائندہ خصوصی):فیڈرل انوسٹی گیشن ایجنسی (ایف آئی اے) نے پلاٹ کی غیر قانونی منتقلی پر سی ڈی اے کے ڈپٹی ڈائریکٹر امداد علی اور کمپیوٹر آپریٹر آجون شاہ کو گرفتار کرلیا ہے ۔ملازمین نے ساتھیوں کے ساتھ ملکر مرحوم خاتون خورشید اختر کے حقوق ہتھیا ئے ۔ ترجمان ایف آئی اے کے مطابق ایف آئی اے اینٹی کرپشن سرکل اسلام آباد نے سی ڈی اے پلاٹ کی غیر قانونی ٹرانسفر میں ملوث 2 ملزمان کو گرفتار کر لیا۔گرفتار ملزمان میں امداد علی اور آجون شاہ شامل ہیں ۔ملزم امداد علی سی ڈی اے میں بطور ڈپٹی ڈائریکٹر سینی ٹیشن ڈائریکٹوریٹ اور آجون شاہ بطور کمپیوٹر آپریٹر تعینات ہے۔ملزمان نے دیگر ساتھیوں کی ملی بھگت سے اصل متاثرہ خُورشید اختر (مرحوم) کے حقوق ہتھیائے ۔ملزمان نے جعل سازی کرتے ہوئے خورشید اختر کے بجائے خُورشید بیگم کے نام پر اسلام آباد I-12/4 میں پلاٹ الاٹ کیا ۔ملزمان نے یہ فراڈ سال 2016 میں دیگر سی ڈی اے افسران کی ملی بھگت سے کیا ۔ملزمان کو گرفتار کر کے تفتیش کا آغاز کر دیا گیا ہے ،دیگر ملزمان کی گرفتاری کے لئے چھاپے مارے جا رہے ہیں۔