شاہد آفریدی فاؤنڈیشن کے 14 رکنی وفد نے دانش امان کی قیادت میں ایڈیشنل آئی جی کراچی جاوید عالم اوڈھو سےملاقات

کراچی ( نمائندہ خصوصی)ایڈیشنل آئی جی کراچی جاوید عالم اوڈھو سے شاہد آفریدی فاؤنڈیشن کے 14 رکنی وفد نے دانش امان کی قیادت میں ملاقات کی۔اس موقع پر ڈی آئی جی ایڈمن سی ای او ظفر ملک، ڈاکٹر سعید اسماعیل، معیز شاہ اور عبد الرحمن بھی موجود تھے۔ملاقات میں کراچی میں فلاحی منصوبوں اور پولیس سے باہمی تعاون پر گفتگو ہوئی۔ فاؤنڈیشن کی جانب سے پولیس کی خدمات کو سراہا گیا اور مختلف شعبوں میں اشتراک پر آمادگی ظاہر کی گئی۔ایڈیشنل آئی جی نے وفد کا خیرمقدم کرتے ہوئے فاؤنڈیشن کی سماجی خدمات کی تعریف کی اور تعاون جاری رکھنے کے عزم کا اظہار کیا۔آخر میں وفد نے کراچی پولیس چیف کو اعزازی شیلڈ پیش کی اور نیک تمناؤں کا اظہار کیا۔