بطور بردبار سیاسی شخصیت کے چیئرمین سینیٹ کی کوششوں کو سراہتے ہیں، اعظم خان سواتی

اسلام آباد(نمائندہ خصوصی):سینیٹر اعظم خان سواتی نے بطور بردبار سیاسی شخصیت کے چیئرمین سینیٹ کی کوششوں کو سراہا اور نسٹ یونیورسٹی کے انکیوبیٹرز کیلئے فنڈز کی فراہمی کے ماضی کے اقدام پر داد دی، 1973ء کا آئین ہمارے اکابرین نے تیار کیا اور آج ہمیں اس آئین کی پاسداری کی ضرورت ہے۔سینیٹ میں حلف برداری کی تقریب کے بعد پہلے خطاب میں انہوں نے کہا کہ بطور سابق وزیراعظم چیئرمین سینیٹ نے بہت سی کامیابیاں حاصل کیں لیکن بطور سیاسی شخصیت ان کی بردباری اور شخصیت کے دیگر نمایاں پہلوئوں کی تعریف کرتا ہوں۔ انہوں نے کہا کہ مجھے یاد ہے کہ جب ملک مالی بحران کا شکار تھا اور نسٹ کو انکیوبیٹرز کیلئے فنڈز کی ضرورت تھی تو آپ نے بطور وزیراعظم نسٹ کیلئے خطیر فنڈز جاری کئے۔ انہوں نے ملک کے اندر اور باہر آر ایس ایس کے خلاف بین الاقوامی محاذ کی ضرورت پر زور دیا