بنک اسلامی کے ڈپٹی چیف ایگزیکٹو آفیسر عمران حلیم شیخ کا اپنی ٹیم کے ہمراہ کراچی پریس کلب کا دورہ

کراچی( نمائندہ خصوصی)بنک اسلامی کے ڈپٹی چیف ایگزیکٹو آفیسر عمران حلیم شیخ نے کراچی پریس کلب کی دعوت پر اپنی ٹیم کےہمراہ کراچی پریس کلب کا دورہ کیا، اس موقع پر سیکریٹری کراچی پریس کلب شعیب احمد، جوائنٹ سیکریٹری محمد منصف،سیکریٹری فنانس کمیٹی کراچی پریس کلب احتشام مفتی ، ڈپٹی سیکریٹری رضوان عامر، سینئیر کامرس رپورٹر ریاض اینڈی، حمزہ گیلانی،کفیل احمد، راشد خان اور جنید احمد بھی موجود تھے، عمران حلیم شیخ نے کراچی پریس کلب اور صحافی برادری کی خدمات کو سراہتے ہوئے آزادی صحافت اور بحالی جمہوریت کے لئے اپنا تاریخی کردار ادا کرنے پر کراچی پریس کلب کو خراج تحسین پیش کیا ، انہوں نے کراچی پریس کلب سے بطور ممبر اپنی وابستگی کو باعث فخر قرار دیا، انہوں نے اسلامک بینکنگ کے روشن مستقبل اور عالمی سطح پر اس طرز کے بینکنگ نظام کی مقبولیت پر مفصل گفتگو رکھی، کراچی پریس کلب کے اراکین کو درپیش مسائل خصوصاً صحت عامہ کی سہولیات کی فراہمی میں بنک اسلامی کی جانب سے مکمل تعاون کی یقین دہانی بھی کرائی۔