کراچی(وقا ئع نگار خصوصی)ادارہ فراہمی ونکاسی آب میں تین اہم اور منافع بخش عہدوں پر تعینات دلاور جعفری کو مبینہ سنگین بدعنوانیوں کے الزامات پر تمام عہدوں سے برطرف کردیا گیا،کئی ماہ سے تقرری کے منتظراور سینئر افسر تابش رضا حسنین اورایگزیکٹیو انجینئر شاہ فیصل ظہیر شیخ کی لاٹری لگ گئی،تابش رضا حسنین ایکسئن اور سپریٹنڈنٹ انجینئر سب 
سوائل واٹر جبکہ ظہیر شیخ انچارج اینٹی تھیفٹ سیل کے عہدے پر تعینات،سب سوائل واٹر کے لائسنس پر مبینہ سنگینبدعنوانیوں پر بڑی تحقیقات شروع ہونے کا امکان،عہدے سے برطرف کئے گئے دلاور جعفری کے گرد گھیرا تنگ کیا جانے لگا۔تفصیلات کے مطابق ایم واٹر اینڈ سیوریج کارپوریشن انجینئر صلاح الدین کی ہدایت پر ادارے کے اہم عہدوں پر موجود افسران کے تبادلے کردیئے گئے ہیں جس میں بلخصوص دلاور جعفری سے تینوں اہم عہدوں کے چارج واپس لے لئے گئے ہیں جس کے بعدافسران کا 
کہنا ہے کہ واٹر کارپوریشن سے دلاور سسٹم کا خاتمہ کردیا گیا ہے،دلاور جعفری واٹر کارپوریشن میں تین اہم عہدوں پر تن تنہاں تعینات تھے اور ایم ڈی سے قربت حاصل کرکے مذکورہ عہدوں کو انجوائے کررہے تھے جس میں ایگزیکٹیو انجینئر سب سوائل واٹر،سپریٹنڈنٹ انجینئر سب سوائل واٹر اور انچارج اینٹی تھیفٹ سیل کا عہدہ شامل ہے،ذرائع کا کہنا ہے کہ مذکورہ افسر نے ایم ڈی واٹر کارپوریشن کے اعتماد کو ایک مرتبہ پھر بری طرح سے نقصان پہنچایا ہے،ذرائع کا کہنا ہے سب سوائل واٹر 
کے مبینہ لائسنس کے اجراءمیں سنگین بے قاعدگیوں کے ساتھ ساتھ پانی چور مافیا کیخلاف کارروائی کے بجائے مبینہ سرپرستی کے الزامات پر دلاور جعفری کو تمام عہدوں سے برطرف کیا گیا ہے اور ان کی جگہ کئی ماہ سے تقرری کے منتظر اور ادارے کے سینئر افسر تابش رضا حسنین کو ایکسئن اور ایس ای سب سوائل واٹر کے عہدوں پر تعینات کیا گیا ہے جبکہ ظہیر شیخ کو انچارج اینٹی تھیفٹ سیل تعینات کیا گیا ہے ،ظہیر شیخ اس سے قبل ایکسئن شاہ فیصل ڈویژن تعینات تھے اور اب مذکورہ عہدے پرعلی احمد کو اضافی چارج دیا گیا ہے
