راولپنڈی۔(نمائندہ خصوصی):جنوبی وزیرستان کے علاقے کرامہ میں دہشت گردوں کے خلاف آپریشن کے دوران 5 دہشت گرد مار گئے ، فائرنگ کے تبادلے میں پاک فوج کے 4 جوان شہید ہوگئے۔آئی ایس پی آر کے مطابق6 نومبر 2024 کو جنوبی وزیرستان کے علاقے کرامہ میں سکیورٹی فورسز اور دہشت گردوں کے درمیان فائرنگ کا تبادلہ ہوا جس کے نتیجے میں پانچ خوارج دہشت گرد جہنم 
واصل ہو گئے تاہم شدید فائرنگ کے تبادلے کے دوران نائب صوبیدار طیب شاہ (عمر: 38 سال، رہائشی ڈسٹرکٹ ٹانک)، لانس نائیک گلاب زمان (عمر: 30 سال، ساکن ڈسٹرکٹ کرک)، لانس نائیک مزمل محمود (عمر: 30 سال، ضلع کرک کا رہائشی) اور لانس نائیک حبیب اللہ (عمر: 28 سال، رہائشی ڈسٹرکٹ اورکزئی) شہید ہوگئے۔علاقے میں پائے جانے والے کسی اور خارجی دہشت گرد کو 
ختم کرنے کے لیے سینی ٹائزیشن آپریشن کیا جا رہا ہے۔ پاک فوج کا کہنا ہے کہ پاکستان کی سکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
