وزیراعظم محمد شہباز شریف کی شیگیرو ایشیبا کو جاپان کا وزیراعظم منتخب ہونے پر مبارکباد

اسلام آباد۔(نمائندہ خصوصی ):وزیراعظم محمد شہباز شریف نے شیگیرو ایشیبا کو جاپان کا وزیراعظم منتخب ہونے پر مبارکباد دی ہے۔ منگل کو سوشل میڈیا پلیٹ فارم ایکس پر اپنے پیغام میں انہوں نے کہا کہ شیگیرو ایشیبا کو جاپان کاوزیر اعظم منتخب ہونے پر دل کی گہرائیوں سے مبارکباد پیش کرتا ہوں۔انہوں نےکہا کہ پاکستان جاپان کے ساتھ اپنے تاریخی اور دوستانہ تعلقات کو قدر کی نگاہ سے دیکھتا ہے جن میں گزشتہ برسوں کے دوران مسلسل اضافہ ہوا ہے۔ انہوں نے کہا کہ وہ جاپان کے ساتھ اپنے بہترین دو طرفہ تعلقات کو مزید مضبوط اور متنوع بنانے کے لئے ان کے ساتھ مل کر کام کرنے کے منتظر ہیں۔