کراچی (رپورٹ: مرزاافتخار بیگ) آرٹس کونسل آف پاکستان کراچی کی جانب سے 77واں جشن آزادی بھرپور طریقے سے مناگیا،جس میں اوج بینڈ، ایس او کے ، گمان اور ایکما بینڈ نے شاندار پرفارمنس کا مظاہرہ کیا، آرٹس کونسل میں شہریوں کی 
بڑی تعداد نے شرکت کی ، اس موقع پر صدر آرٹس کونسل محمد احمد شاہ نے جشن آزادی کی مناسبت سے کیک کاٹا اور پرچم کشائی کی، فیسٹیول کا آغاز آرٹس کونسل میوزک فیکلٹی انسٹرومینٹل سے کیاگیا جبکہ بچوں سمیت عوام کی بڑی تعداد نے فیس پینٹنگ کرائی، فیسٹیول میں پیشنٹ کیئر ری ہیب ویلفیئر سوسائٹی کے طلباءنے رقص، آرٹس کونسل ڈانس اکیڈمی کے طلباءنے تمام صوبوں کا کلچر پیش کیا جسے لوگوں نے خوب سراہا اور داد دی، ڈرم سرکل پر نوجوانوں نے بھرپور رقص بھی کیا ، فیسٹیول میں اوپن مائیک ، ورکشاپ ، ای گیمنگ اور لائیو پینٹنگ بھی شامل تھی۔
