فخر پاکستان گولڈ میڈلسٹ ارشد ندیم کا خانیوال تحصیل میاں چنوں پہنچنے پر شاندار استقبال

خانیوال۔(نمائندہ خصوصی ):ضلعی انتظامیہ اور پولیس کی جانب سے فخر پاکستان گولڈ میڈلسٹ ارشد ندیم کا خانیوال تحصیل میاں چنوں پہنچنے پر شاندار استقبال کیا گیا جہاں ڈپٹی کمشنر محمد علی بخاری نے کمشنر ملتان مریم خان اور اپنی طرف سے ارشد ندیم کو گلدستہ پیش کیئے ۔ڈی پی اسماعیل کھاڑک ،سی پی او ملتان صادق علی ڈوگر، ڈی پی او اسماعیل کھاڑک نے بھی گلدستے پیش کیے۔،اس موقع پر ایڈیشنل ڈپٹی کمشنر ریونیو عبدالستار خان،اسسٹنٹ کمشنر اقبال راں ، ڈی ایس پی میاں چنوں محمد سلیم خان، ڈی ایس پی ٹریفک مہر افضل مہار، پی آر او چوہدری ، موٹروے پولیس کے افسران سمیت شہریوں کی بڑی تعداد موجود تھی۔ بعد ازاں قومی ہیرو کو وی آئی پی پروٹوکول کے ساتھ ان کے آبائی گاؤں چک 101 پندرہ ایل پہنچایا گیا-ڈپٹی کمشنر کا اس موقع پر کہنا تھا کہ حکومت پنجاب کی ہدایت پر ارشد ندیم کے استقبال کے لئے پہنچے ہیں۔قومی ہیرو نے گولڈ میڈل جیت کر ملک و قوم کا نام روشن کیا ہے ۔