لندن ْجنرل ساحر شمشاد مرزا کی چیف آف ڈیفنس اسٹاف ایڈمرل سر ٹونی راڈاکن اور چیف آف جنرل اسٹاف جنرل سر رولینڈ واکر سے ملاقات

لندن راولپنڈی(نمایندہ خصوصی)جنرل ساحر شمشاد مرزا، چیئرمین جوائنٹ چیفس آف اسٹاف کمیٹی، جو برطانیہ کے سرکاری دورے پر ہیں، نے چیف آف ڈیفنس اسٹاف ایڈمرل سر ٹونی راڈاکن اور برطانیہ کے چیف آف جنرل اسٹاف جنرل سر رولینڈ واکر سے ملاقات کی۔الگ الگ ملاقاتوں کے دوران فریقین نے باہمی دلچسپی کے شعبوں، دوطرفہ دفاعی اور سیکورٹی تعاون، انسداد دہشت گردی اور موجودہ علاقائی ماحول پر تبادلہ خیال کیا۔برطانوی عسکری قیادت نے پاکستان کی مسلح افواج کی پیشہ وارانہ مہارت کو سراہا اور دہشت گردی کے خلاف جنگ میں پاکستان اور پاکستان کی مسلح افواج کی قربانیوں کا اعتراف کیا۔