لاہور(بیورو رپورٹ) نامورفلم ٹی وی اور اسٹیج اداکار سردار کمال لاہور میں انتقال کر گئے نماز جنازہ کل فیصل آباد میں ہوگا ، وہ دل کے عارضے میں مبتلا تھے۔سردار کمال نے افضال احمد، قوی خان، سہیل احمد، عمر شریف، امان اللہ سمیت اپنے وقت کے 
نامور اسٹیج اداکاروں کے ساتھ کام کیا۔اداکار کے شوبز کیریئر میں چوڑیاں، دیساں دا راجہ سمیت متعدد فلمیں قابل ذکر ہیں۔انہوں نے ’ڈرامے آلے‘ سمیت متعدد بھارتی پنجابی فلموں میں بھی کام کیا۔سردار کمال اج کل دنیا ٹی وی کے مقبول ترین شو مذاق رات میں عمران اشرف کے ساتھ ہنی البیلا سخاوت نار کے پرفارم کر رہے تھے پنجاب تھیٹر پروڈیوسر ایسوسی ایشن کے چیئرمین قیصر ثنا اللہ اور نامور ڈرامہ رائٹرڈاکٹر اجمل ملک سمیت اسٹیج، ٹی وی اور فلم کی نامور شخصیات نے سردار کمال 
کے انتقال پر افسوس کا اظہار کیا ہے۔دریں اثناء زیادہ اداکار اور آرٹسٹ سردار کمال کے گھر پہنچ گئے جہاں اہلخانہ تعزیت کی ۔دریں اثناء سردار کمال کی نماز جنازہ کل فیصل آباد میں ادا کرکے ان کے آبائی قبرستان میں سپردِ خاک کر دیا جائے گادریں اثناء وزیر اعلیٰ پنجاب مریم نواز شریف نے اداکار سردار کمال کے انتقال پر گہرے دکھ اور افسوس کااظہار کیاہے-وزیراعلیٰ مریم نواز شریف نے سوگوار خاندان سے دلی ہمدردی و تعزیت کااظہار کیا ہے۔ وزیر اعلیٰ مریم نوازشریف نے کہاکہ اداکاری کے شعبہ میں سردار کمال کی خدمات کو یاد رکھا جائے گا۔
