پاکستان ریلوے کا عید الاضحی کے موقع پر تین خصوصی ٹرینیں چلانے کا اعلان

کراچی۔ (نمائندہ خصوصی )پاکستان ریلوے نے عید الاضحی کے موقع پر عوام کے سہولت کیلئے تین خصوصی ٹرینیں چلانے کا اعلان کیا ہے جس میں سے دو سپیشل ٹرینیں کراچی سے چلانے کا فیصلہ کیاگیا ہے ۔جاری کردہ شیڈول کے مطابق ایک سپیشل ٹرین کراچی سے پشاور، فیصل آباد، سرگودھااور لالہ موسی کیلئے14جون 2024کو شام 6بجکر 30منٹس پر کراچی سٹی سے روانہ ہوگی اور دوسری سپیشل ٹرین کراچی سے لاہور اور ساہیوال 15جون 2024کو کراچی کینٹ سے رات 9بجے روانہ ہوگی۔پہلی سپیشل ٹرین میں تمام کوچز اکانومی کلاس کی ہوں گی جبکہ دوسری سپیشل ٹرین میں 2بزنس اور دو سٹینڈرڈ کلاس کوچز ہیں، بقیہ تمام اکانومی کلاس کوچز ہوں گی ۔