پاکستانی سیکورٹی فورسزکا بونیر میں انٹیلی جنس پر مبنی آپریشن: دہشت گردوں کا سرغنہ سلیم ربانی جہنم واصل۔دو جوان شہید

راولپنڈی ( بیورو رپورٹ)پاکستانی سیکورٹی فورسز نے13 اپریل 2024 کو، دہشت گردوں کی موجودگی کی اطلاع پر ضلع بونیر میں انٹیلی جنس پر مبنی آپریشن کیا۔ آپریشن کے دوران، شدید فائرنگ کے تبادلے کے بعد، HVT دہشت گردوں کے سرغنہ سلیم ربانی کو جہنم واصل کر دیا گیا، جبکہ دو دیگر دہشت گرد زخمی ہوئے۔ دہشت گرد سلیم ربانی سیکورٹی فورسز کے خلاف دہشت گردی کی متعدد کارروائیوں کے ساتھ ساتھ بھتہ خوری اور معصوم شہریوں کی ٹارگٹ کلنگ میں بھی سرگرم رہا۔ وہ قانون نافذ کرنے والے اداروں کو انتہائی مطلوب تھا اور حکومت نے اس پر PKR 5 ملین کی ہیڈ منی مقرر کی تھی۔ تاہم آپریشن کے دوران مٹی کے دو بہادر بیٹے لانس حوالدار مدثر محمود (عمر 36 سال؛ ساکن ضلع راولپنڈی) اور لانس نائیک حسیب جاوید (عمر 27 سال؛ ساکن ضلع پونچھ، آزاد جموں و کشمیر) نے بہادری سے لڑتے ہوئے جام شہادت نوش کیا۔ شہادت کو گلے لگایا آئی ایس پی آر کے مطابق علاقے میں پائے جانے والے دیگر دہشت گردوں کو ختم کرنے کے لیے سینی ٹائزیشن آپریشن کیا جا رہا ہے۔ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔