سابق چیئرمین واپڈا لیفٹیننٹ جنرل (ر) مزمل حسین کوایف آئی اے نے طلب کرلیا

اسلام آباد(نمائندہ خصوصی )وفاقی تحقیقاتی ایجنسی (ایف آئی اے) نے سابق چیئرمین واپڈا لیفٹیننٹ جنرل ریٹائرڈ مزمل حسین کو طلب کرلیا۔اینٹی کرپشن سرکل ایف آئی اے لاہور زون نے سابق چیئرمین واپڈا کو طلبی کا نوٹس بھجوا دیا۔نوٹس میں کہا گیا ہے کہ آپ کے خلاف ٹرانسپرنسی انٹرنیشنل پاکستان کی شکایت پرانکوائری درج ہے، واپڈا اتھارٹی پرملکی خزانےکو 1454 ملین روپے سے زائد کا نقصان پہنچانےکےالزامات ہیں۔نوٹس کے متن کے مطابق آپ 22 مارچ کوایف آئی اے اینٹی کرپشن سرکل لاہور میں ذاتی حیثیت میں پیش ہوں۔نوٹس میں ہدایت کی گئی ہے کہ دستاویزات اورشواہدکی روشنی میں اپنی پوزیشن واضح کریں۔