وزارت داخلہ نے چیف ایگزیگٹو بی این بی کمپنی عبدالحفیظ شیخ اور سی ای او بینکرز سٹی راولپنڈی راحت محمد کا نام ای سی ایل میں شامل کردیا

اسلام آباد( بیورو رپورٹ) وزارت داخلہ نے چیف ایگزیگٹو بی این بی کمپنی عبدالحفیظ شیخ اور سی ای او بینکرز سٹی راولپنڈی راحت محمد کا نام ای سی ایل میں شامل کردیا۔ وفاقی دارلحکومت میں لگژری اپارٹمنٹس منصوبے سے قومی خزانے کو ساڑھے 14 ارب روپے نقصان پہنچا۔بی این بی کمپنی نے فائیو اسٹار ہوٹل کیلئے ساڑھے 13 ایکڑ رقبے کو لگژری اپارٹمنٹس میں خلاف قانون تبدیل کیا۔ون کونسٹیٹوشن ایونیو منصوبے میں بانی پی ٹی آئی عمران خان، جہانگیر خان ترین، کشمالہ طارق سمیت کئی بااثر شخصیات کے اپارٹمنٹس موجود ہیں۔سابق چیف جسٹس ثاقب نثار نے 2019 میں مسوخ شدہ لیز دوبارہ بحال کرکے منصوبہ مکمل کرنے کی اجازت دی تھی۔بی این بی کمپنی نے سی ڈی اے کی ملی بھگت سے قومی خزانے کو ساڑھے 14 ارب روپے کا نقصان پہنچایا