اسلام آباد (نمائندہ خصوصی )یوم پاکستان کے موقع پر صدر پاکستان نے پاک فضائیہ کے افسران کو نان آپریشنل فوجی اعزازات سے نوازا۔ پاک فضائیہ میں قابلِ فخر خدمات سر انجام دینے پر ائیر وائس محمد ندیم صابر، ائیر وائس مارشل محمد قیصر جنجوعہ اور ائیر وائس مارشل شمس الحق کو ہلال امتیاز (ملٹری) کے اعزازات عطا کئے گئے۔ علاوہ ازیں گراں قدر خدمات کے اعتراف میں پاک فضائیہ کے 21افسران کو ستارۂ امتیاز(ملٹری) ، 18 افسران کوتمغہ امتیاز(ملٹری) اور 13 افسران کو امتیازی اسناد سے نوازا گیا۔
