کراچی، ٹرک ڈرائیور نے ڈاکووں کوکچل دیا، 2 ہلاک

کراچی(نمائندہ خصوصی)صوبہ سندھ کے ضلع کندھ کوٹ کے علاقے تنگوانی میں ڈکیتی کی کوشش کے دوران ٹرک ڈرائیور نے ڈرائیور نے 3 ڈاکووں کوکچل دیا جن میں سے 2ہلاک جبکہ تیسرا زخمی ہوگیا۔میڈیا رپورٹ کے مطابق سندھ پولیس نے واقعہ کی تصدیق کرتے ہوئے کہا کہ کندھ کوٹ کے علاقے تنگوانی کے قریب ڈاکو ناکہ لگا کر لوٹ مار کر رہے تھے کہ اس دوران انہوں نے وین میں ڈکیتی کی کوشش کی۔تنگوانی پولیس نے کہا کہ لوٹ مار کے دوران ایک ٹرک ڈرائیور نے ڈاکووں کو کچل دیا جس کے نتیجے میں 2 ڈاکو ہلاک اور ایک زخمی ہوگیا۔تنگوانی پولیس نے مزید بتایا کہ ڈاکو اپنے ساتھیوں کی لاشیں اور زخمی کو اپنے ہمراہ لیکر موقع سے فرار ہوگئے، حادثے کے بعد وین الٹ گئی اور وین ڈرائیور موقع سے فرار ہوگیا۔