وفاقی کابینہ نے ملائیشیا کے ساتھ دفاعی تعاون بڑھانے کی منظوری دےدی

اسلام آبا د(نمائندہ خصوصی)وفاقی کابینہ نے ملائشیا کے ساتھ دفاعی تعاون بڑھانے کی منظوری دے دی،منظوری سرکولیشن سمری کے ذریعے دی گئی ،ذرائع کے مطابق وزارت دفاع کو ملائشیا کے ساتھ 1997 کے معاہدے میں ترمیم کی اجازت دے دی گئی،جسٹس ریٹائرڈ مظہر عالم خان میاں خیل کو اہم عہدے پر تعینات کرنے کی منظوری دے دی گئی ،جسٹس ریٹائرڈ مظہر عالم خان میاں خیل کو چئیرمین ایپلٹ ٹربیونل مسابقتی کمیشن تعینات کر دیا گیا ،ذرائع کے مطابق چیف جسٹس سپریم کورٹ جسٹس قاضی فائز عیسیٰ سے رضا مندی حاصل کرنے کے بعد منظوری دی گئی،جسٹس ریٹائرڈ مظہر عالم خان میاں خیل68 سال کی عمر تک خدمات انجام دیں گے،مسابقتی کمیشن کا ایپلٹ ٹربیونل 17 جولائی سے غیر فعال تھا،تعیناتی سے اربوں روپے جرمانے کے کیسز نمٹائے جا سکیں گے۔ وفاقی کابینہ نے سابق وزیراعظم کا کرپشن کیس کا ٹرائل اڈیالہ جیل میں کرنے کی منظوری دے دی،ذرائع کے مطابق وزرات قانون کی سمری پر وفاقی کابینہ سے سرکولیشن کے ذریعے منظوری لی گئی جس کے مطابق 190 ملین پاونڈ کیس کا ٹرائل احتساب عدالت اڈیالہ جیل میں کرے گی، نیب کی جانب سے امن و امان کی صورت حال کے پیش نظر اڈیالہ جیل میں عدالت کے قیام کی سفارش کی گئی تھی ،نیب کی ٹیم 190 ملین پاونڈ سکینڈل کی تحقیقات تقریبا مکمل کر چکی، جلد ریفرنس دائر ہو گا، کیس میں ضمانت کا معاملہ بھی احتساب عدالت اڈیالہ جیل میں سنے گی۔