ایئرپورٹس کی سیکیورٹی آڈٹ کا معاملہ، ٹرانسپورٹ کینڈا کا وفد 4دسمبر کو کراچی پہنچے گا

اسلام آباد( نمائندہ خصوصی) ایئرپورٹس کی سکیورٹی آڈٹ کا معاملہ، ٹرانسپورٹ کینڈا کا وفد 4دسمبر کو کراچی پہنچے گا۔ذرائع کے مطابق ٹرانسپورٹ کینیڈا کا وفد 5 دسمبر کو کراچی ا اےئرپورٹ کی سیکیورٹی اورپاکستان سے براہ راست کینیڈا جانیوالی پی آئی اے کی پروازوں سے متعلق جانچ پڑتال کرے گا، کینڈین وفد 5 دسمبر کو کراچی سے کینیڈا جانے والی پی آئی اے کی کی پرواز کی مکمل جانچ پڑتال کرےگا، کینیڈین وفدپی آئی اے کے جہاز کی جانچ پڑتال بھی کریگا ایئرپورٹ پر کئے جانے والے اقدامات کے حوالے سے وفد کوبریفنگ دی جائے گی۔کینیڈین وفدکراچی ایئرپورٹ کی سیکیورٹی ،کارگو،فلائٹ کچن،گراونڈ ہینڈلنگ سمیت دیگرشعبہ جات کی آڈٹ کرے گاٹرانسپورٹ کینڈا کے دورے کا مقصد اسلام آباد،لاہور اورکراچی سے براہ راست کینیڈا جانے والی پروازوں کی سیکیورٹی کو جانچنا ہے اور اسے موثر بنانا ہے کینیڈین وفد کو سی اے اے کی جانب سے قائم کردہ جوائنٹ سرچ بیگجز کاونٹر کا بھی دورہ کرایا جائے گاوفد مسافروں کے سامان، اسکریننگ ،جہاز میں سامان منتقل ہونے اور دیگر سیکیورٹی آلات کی جانچ پڑتال کے عمل کو مانیٹر کرے گا۔