کراچی (اسٹاف رپورٹر) جمعیت علمائے اسلام کے مرکزی امیر مولانا فضل الرحمان نے کہا عوام کو مسائل کے دلدل سے نکالنے کیلئے 25 مارچ کی رات کو عوام قافلہ در قافلہ لانگ مارچ میں شامل ہوکر اسلام آباد میں داخل ہوں گے ۔
ان خیالات کا اظہار انہوں نے کراچی روانگی سے قبل ویڈیو پیغام اورجے یوآئی ذمہ داران کے اجلاس سے خطاب کرتے ہوئے کیا۔ اس موقع پر صوبائی سیکریٹری جنرل علامہ راشد محمود سومرو، مولانا عبدالکریم عابد، قاری محمد عثمان، مولانا محمد غیاث ، مولانا سمیع الحق سواتی، حاجی امین اللہ ، مولانا عبدالقادر، مولانا عظیم اللہ ودیگر بھی موجود تھے۔
مولانا فضل الرحمن کا کہنا تھا کہ اللہ کے فضل وکرم سے ملک بھر سے عوام الناس تمام سیاسی جماعتوں کے کارکنوں اور بالخصوص جمعیت علماء اسلام کے قافلے اسلام آباد روانگی کیلئے تیار ہیں ، مولانا نے اپنے پیغام پیغام میں کہا ہیکہ کے ایک بار پھر ذمہ داران سے اپیل کرتا ہوں کہ موجودہ نااہل حکمرانوں کیخلاف ہمارے لانگ مارچ کی کامیابی میں کسی قسم کی کمی نہیں ہونی چاہئے ، جس طرح آزادی مارچ میں ہمارے کارکنان نے قربانیاں دیں ، اس سے قبل ملک بھر میں 14 مثالی ملین مارچ منعقدکئے ، بہت بڑی تعداد میں کارکنان نے چودہ کھٹن دن اسلام آباد میں گزارے ، ہم اپنی تاریخ کو دھرانے جارہے ہیں، انہوں نے کہا کہ جمعیت علمائے اسلام عوام کی آواز ہے سیاسی طور پر عوامی حقوق کی آواز زندہ اور سربلند رکھنا کارکنان جمعیت کے مرہنون منت ہے ۔
مولانا فضل الرحمان نے پارلیمنٹ لاجز میں ریاستی دہشت گردی کے واقعہ کا حوالہ دیتے ہوئے کہا کہ ہمارے پارلیمانی ممبران اور جمعیت علمائے اسلام کے کارکنان پر تشدد کرکے انہیں گھسیٹا گیا اور گرفتار کرکے لے جایا گیا ۔ میں نے کارکنان سے پرامن احتجاج کی درخواست کی آپ سڑکوں پر نکل آئے اور ایک گھنٹے سے کم مدت میں پورے ملک کو جام کیا آپ بڑے جوش وجذبے کیساتھ سڑکوں پر نکل آئے تھے میں اس کیلئے تمام کارکنان کا سراپا ممنون ہوں ،
انہوں نے کہا کہ مجھے قومی امیدہے کہ جس طرح پہلے کارکنان جمعیت نے ہمارے شملے کو اونچا کیا تھا، جماعت کی عزت اور منشور کو بلند کیا ہے ، اب بھی ان شاءاللہ کارکنان جمعیت آگے تو بڑھیں گے لیکن اس میں کوئی کمی نہیں آئے گی ۔
انہوں نے مکرر امید ظاہر کی کہ 25 مارچ کو قافلہ در قافلہ تمام کارکنان اسلام آباد میں داخل ہوں گے ، اسلام آباد مارچ میں جانے کی تفصیلات سے جماعتی ذمہ داران آپ کو آگاہ کریں گے۔
