کراچی‘ رینجرز ،کسٹم اور پولیس کی مشترکہ کارروائی ، اسمگل شدہ غیر قانونی کپڑا برآمد

کراچی(نمائندہ خصوصی) شہر قائدمیں پاکستان رینجرزسندھ، کسٹم انٹیلی جنس اور پولیس نے مشترکہ کارروائی کرتے ہوئے اسمگل شدہ غیر قانونی کپڑا قبضے میں لے لیا۔ترجمان رینجرز سندھ کا کہنا ہے کہ کارروائی آرام باغ میں سمگل شدہ کپڑے کے گوداموں پر کی گئی ہے۔ترجمان کاکہنا ہے کہ کارروائی کے دوران 5 ٹرکوں،3 مزدا ٹرک پر مشتمل کئی ٹن غیرقانونی سمگل شدہ کپڑا قبضے میں لیکر کسٹم حکام کے حوالے کردیا گیا۔ ترجمان کے مطابق برآمد شدہ سامان جاپان،یوکے،کوریا اورچین سے غیرقانونی طورپر اسمگل کیا گیا تھا، کارروائی کے دوران4 ملزموں کو بھی حراست میں لیا گیا۔ترجمان کاکہنا ہے کہ ملزمان کومزید قانونی کارروائی کےلیے پاکستان کسٹمز کی تحویل میں دےدیا گیا ہے۔