کراچی( کرائم رپورٹر ) ڈیفنس پولیس کی CCTV فٹیج کی مدد سے کاروائی، دو روز قبل لاپتہ ہونے والی 13 سالہ لڑکی وجیہہ بازیاب، واقعی میں ملوث ملزم کو گرفتار کر لیا گیا تفصیلات کےمطابق وجیہہ ڈیفنس فیز 2 میں واقع ایک گھر میں گھریلو ملازمہ کے طور پر کام کرتی تھی جو دو روز قبل گھر سے کام پر جانے کے لیے نکلی لیکن کام پر نہ پہنچی ۔لڑکی کی والدہ نے 15 پر پولیس کو مذکورہ لڑکی کی گمشدگی کی اطلاع دی بعد ازاں پولیس نے مذکورہ واقع کا مقدمہ درج کر کے گمشدہ لڑکی کی تلاش شروع کر دی
پولیس نے CCTV فٹیج اور ٹیکنیکل ذرائع کا استعمال کرتے ہوئے لڑکی وجیہہ کو بازیاب کر لیا جبکہ واقعے میں ملوث ملزم شایان ولد اعجاز کو گرفتار کر لیا گیا ۔گرفتار ملزم کے خلاف مقدمہ درج جبکہ لڑکی وجیہہ کو اس کے والدین کے حوالے کر کے کیس کی مزید تفتیش کی جا رہی ہے
