ضروری نہیں انسان جو چاہیے وہ خواہش پوری ہو جائے ،چیف جسٹس

اسلام آباد(نمائندہ خصوصی)سپریم کورٹ میں گن اینڈ کنٹری کلب کیس کی سماعت کے دوران چیف جسٹس عمر عطا بندیال نے دلچسپ ریمارکس دیتے ہوئے کہاہے کہ کیا باقی وکلا کو اطلاع نہیں ہوئی تھی، ہم آپ کو گڈ تو سی یو کہتے ہیں۔ضروری نہیں کہ انسان جو چاہے اس کی وہ خواہش پوری ہو، امید ہے اگلا بینچ اس کیس کو انجوائے کرے گا۔انھوں نے یہ ریمارکس بدھ کے روزدیئے ۔گن اینڈ کنٹری کلب کیس کی سماعت چیف جسٹس عمر عطا بندیال کی سربراہی میں سپریم کورٹ کے تین رکنی بینچ نے کی تاہم فریقین کے وکیل کی استدعا پر سماعت بغیر کسی کارروائی کے ملتوی ہو گئی۔جسٹس عمر عطا بندیال نے مزید کہا کہ یہ کیس بہت دلچسپ تھا، اب یہ کیس نیا بینچ سنے گا، ضروری نہیں کہ انسان جو چاہے اس کی وہ خواہش پوری ہو، امید ہے اگلا بینچ اس کیس کو انجوائے کرے گا۔یاد رہے کہ سپریم کورٹ نے نومبر 2022 میں گن اینڈ کنٹری کلب اسلام آباد کے فوری آڈٹ کا حکم دیا تھا جبکہ گزشتہ دور حکومت میں پبلک اکاونٹس کمیٹی نے وزارت ہاو¿سنگ اینڈ ورکس اور وزارت بین الصوبائی رابطہ کے آڈٹ پیراز کا جائزہ لیکر گن اینڈ کنٹری کلب اسلام آباد کا ریکارڈ قبضے میں لینے کی ہدایت کی تھی۔