لاہور(نمائندہ خصوصی) نگران حکومت پنجاب نے 9مئی ملزمان کے جیل میں روزانہ ٹرائل کے فیصلے پر عمل در آمد یقینی بنانے کا فیصلہ کر لیا۔تفصیلا ت کے مطابق نگران وزیر اعلی محسن نقوی کی زیر صدارت اجلاس منعقد ہوجس میں9مئی اور جڑانوالہ واقعات سے متعلق امور پر پیش رفت کا جائزہ لیا گیا۔محسن نقوی نے 3وزراءاور اعلی افسران پر مشتمل ٹیم کو جڑانوالہ کا دورہ کر کے رپورٹ پیش کرنے کی ہدایت کی، اجلاس میں 9مئی ملزمان کے جیل میں روزانہ ٹرائل کے فیصلے پر عمل درآمد یقینی بنانے کا فیصلہ کیا گیا۔وزیر اعلی نے 9مئی واقعات پر لاہور کے تمام چالان 3روز میں پیش کرنے کا حکم دیا۔اجلاس کو بتایا گیا کہ جڑانوالہ میں 9گرجا گھروں کی تعمیر و تزئین مکمل ہو چکی ہے، وزیر اعلی نے مزید 13گرجا گھروں کی تعمیر و بحالی 2ہفتے میں مکمل کرنے کی ہدایت کی۔
9 مئی واقعات، ملزمان کے روزانہ ٹرائل پر عملدر آمد یقینی بنانے کا فیصلہ
Please login to join discussion