پی آئی اے کی مالی مشکلات ،عبوری ریلیف کیلئے اقدامات مکمل

لاہور (نمائندہ خصوصی) حکومت نے قومی ائیر لائن کی مالی مشکلات میں بہتری کی غرض سے عبوری ریلیف دینے کیلئے اقدامات مکمل کرلئے ہیں۔بتایا گیا ہے کہ حکومت پاکستان کے تعاون اور بینکوں کو دی گئی ہدایات کے باعث فنڈز کا اجرا ءہوگا جس سے پی آئی اے کی ادائیگیوں کا توازن بہتر ہوگا ۔اگلے ہفتے تک متوقع فنڈز کو جہازوں اور ان کے انجنوں کی لیز، پرزہ جات اور بیرون ملک ہینڈلنگ کی ادائیگیوں کیلئے استعمال کیا جائے گا۔واضح رہے کہ پی آئی اے پرانے قرضوں اور سود کی ادائیگیوں کی وجہ سے شدید مالی مشکلات کا شکار ہے۔