عوام مہنگائی کے باعث پریشان،ہمیں احساس ہے، مقبول باقر

کراچی (نمائندہ خصوصی ) نگران وزیراعلی سندھ جسٹس (ر) مقبول باقر نے کہا ہے کہ نگراں حکومتیں عوامی مسائل سے واقف ہیں، ریلیف فراہمی کےلئے اقدامات کررہے ہیں۔مہنگائی اورزائد بجلی بلوں پر ہڑتال پر ردعمل دیتے ہوئے مقبول باقر نے کہا کہ نگراں حکومتیں عوامی مسائل سے بخوبی واقف ہیں، جانتے ہیں عوام مہنگائی کے باعث پریشان ہیں۔ انہوں نے کہا کہ وفاقی وصوبائی حکومتیں مل کر عوام کو ریلیف دینے کےلئے اقدامات کررہی ہیں۔انہوں نے کہا کہ احتجاج سب کا جمہوری حق ہے مگر یہ دوسروں کےلئے زحمت کا باعث نہیں بننا چاہئے۔انہوں نے کہا کہ احتجاج کرنے والے عوام کی جان ومال کا خیال رکھیں، انتظامیہ بھی احتجاج پرامن بنانے کے لئے تمام ضروری اقدامات کرے گی۔