کراچی، کسٹم میگا کرپشن کیس کے 2 مرکزی کردار معطل

کراچی(نمائندہ خصوصی) وفاقی تحقیقات ایجنسی (ایف آئی اے)کی جانب سے کسٹم کے میگا کرپشن کیس کی تحقیقات جاری ہیں اور اس سلسلے میں دو مرکزی کرداروں کو عہدوں سے معطل کر دیا گیاہے۔ایف آئی اے حکام کے مطابق سینئر پریونٹو افسر محمد طیب خان اور پریونٹو افسر شہباز احمد کو عہدے سے معطل کردیا گیا۔دونوں افسران کے نام گرفتار ملزمان نے دوران تفتیش بتائے تھے۔کسٹم افسران کو 120 دن کیلیے معطل کیا گیا ہے۔ایف آئی اے حکام کے مطابق افسر محمد طیب نے اعلی افسران کو رشوت کے عوض سونا خرید کر دیا، دونوں افسران سے ایف آئی اے تفتیش کرے گا۔حکام نے بتایا کہ کسٹم کے ایک افسر پر چھالیہ اسمگلنگ کے عوض رشوت لینے کا الزام ہے، افسر پر رشوت کی رقم سے سونا خریدنے کی تحقیقات کی جا رہی ہیں۔