گرفتاری کے بعد چیئرمین پی ٹی آئی کے سوشل میڈیا اکاونٹ سے ویڈیو بیان جاری

اسلام آباد (نمائندہ خصوصی)چیئرمین تحریک انصاف کی گرفتاری کے بعد ان کے سوشل میڈیا اکاونٹ سے ویڈیو بیان جاری کردیا گیا۔چیئرمین پی ٹی آئی کے سوشل میڈیا اکاونٹ پر ویڈیو پیغام کے ساتھ لکھا گیا کہ میری گرفتاری متوقع تھی اور میں نے یہ پیغام اپنی گرفتاری سے پہلے ریکارڈ کیا تھا۔سوشل میڈیا اکاونٹ پر لکھا گیا کہ یہ لندن پلان کی تکمیل میں ایک اور قدم ہے تاہم میں چاہتا ہوں کہ میری پارٹی کے کارکن پرامن، ثابت قدم اور مضبوط رہیں۔چیئرمین پی ٹی آئی کے اکاونٹ پر لکھا گیا کہ ہم اللّٰہ تعالیٰ کے سوا کسی کے سامنے نہیں جھکتے جو الحق ہے اور ہم لا الہ الا اللّٰہ پر یقین رکھتے ہیں۔سابق وزیراعظم نے ویڈیو بیان میں کہا کہ جب تک یہ پیغام آپ تک پہنچے گا تب تک یہ مجھے گرفتار کرچکے ہوں گے اور میں جیل میں ہوں گا۔