آبی تنازعہ،عالمی عدالت کی ڈیڈ لائن ختم ، بھارت نے ججز نامزد نہ کیے

اسلام آباد(نمائندہ خصوصی )عالمی ثالثی عدالت میں پاکستان کے ساتھ کشن گنگا اور رتلے بجلی گھروں کے تنازعہ پربھارت نے دوجج نامزد نہ کیے ،ثالثی عدالت کی طرف سے دی گئی ڈیڈلائن گزرگئی۔میڈیارپورٹ کے مطابق ہیگ میں قائم ثالثی عدالت نے چھ جولائی کو بھارت کو اپنے ججز نامزد کرنے کیلئے سات روز کی ڈیڈ لائن دی تھی، تاہم بھارت نےدو ججز نامزد نہ کیے اورڈیڈ لائن گزر گئی۔پاکستان نے 2016ءمیں کشن گنگا اور رتلے بجلی گھروں کے ڈیزائن پر اعتراض کیا تھاتاہم پاکستان حکام کاکہناہے ہم ثالثی عدالت کے ہرفیصلے کوقبول کریں گے۔دستاویز کے مطابق بھارت کی ملی بھگت سے عدالت کی تشکیل میں 6 سال کی تاخیر کی گئی،بھارت نے تاخیر سے فائدہ اٹھا کرکشن گنگا بجلی گھرمکمل کرلیا ،تاہم عالمی بینک نے معاہدے کے تحت اپنا فرض ادا نہیں کیا۔