لاہور:انسانی اسمگلنگ میں ملوث 3 روپوش ملزمان پکڑے گئے

لاہور( نمائندہ خصوصی) ایف آئی اے نے انسانی اسمگلنگ میں ملوث 3 اشتہاری ملزمان کو گرفتار کرلیا، ملزمان شہریوں کو بیرونِ ممالک بھجوانے کے لیے لاکھوں روپے لینے کے بعد روپوش ہو گئے تھے۔ایف آئی اے انسداد انسانی اسمگلنگ لاہور نے کارروائی کرتے ہوئے 3 اشتہاری ملزمان کو گرفتار کرلیا ہے، ملزمان کی جانب سے شہریوں کو بیرونِ ممالک بھجوانے کے لیے لاکھوں روپے اینٹھے گئے تھے۔ایف آئی اے کے ترجمان کا کہنا ہے کہ گرفتار ملزمان میں مزمل خان، رانا محمد الیاس اور مقصود علی شامل ہیں، ملزمان نے شہریوں کو بیرونِ ملک بھجوانے کا جھانسا دے کر ان سے لاکھوں روپے لیے تھے۔ایف آئی اے کے مطابق ملزمان پیسے وصول کرنے کے بعد روپوش ہو گئے تھے، جن ملزمان کو کارروائی کرتے ہوئے گرفتار کیا گیا ہے وہ گزشتہ 5 سالوں سے مطلوب تھے، ان کے خلاف مزید تفتیش جاری ہے