اپوزیشن کی جانب سے نمبرز کے حوالے سے کیے جانے والے دعوے حقیقت پر مبنی نہیں، وزیر خارجہ مخدوم شاہ محمود قریشی

اسلام آباد۔ (اے پی پی):وزیر خارجہ مخدوم شاہ محمود قریشی نے کہا ہے کہ اپوزیشن کی جانب سے نمبرز کے حوالے سے کیے جانے والے دعوے حقیقت پر مبنی نہیں ہیں۔بدھ کو ملکی سیاسی صورتحال کے حوالے سے ایک بیان میں وزیر خارجہ نے کہا کہ اگر اپوزیشن کے دعوے حقیقی ہوتے تو انہیں اتنی تگ و دو کرنے کی ضرورت پیش نہ آتی۔ شاہ محمود قریشی نے کہا کہ ہمارا اتحادیوں کے ساتھ ساڑھے تین سال کا تعلق اور رابطہ ہے،ہم ملک کو سنوارنے کیلئے مشترکہ کاوش میں شامل رہے ہیں۔ اتحادیوں کیساتھ ہمارے رابطوں میں ایک تسلسل ہے جبکہ اپوزیشن ان کے راستے میں رکاوٹیں کھڑی کرتی آئی ہے،جب خلیج زیادہ بڑی ہو تو زور بھی زیادہ لگانا پڑتا ہے۔انہوں نے کہا کہ آج اگر نون لیگ، ق لیگ کو آفرز دے رہی ہے تو کیا ق لیگ کے دوست نہیں جانتے کہ 2018 کے الیکشنز میں انہوں نے ق لیگ کے راستے میں کتنے کانٹے بچھائے؟ کیا ایم کیو ایم کے لوگ نہیں جانتے کہ پیپلز پارٹی نے سندھ میں ان کیساتھ کیا سلوک کیا؟ پیپلزپارٹی کی جانب سے لائے گئے بلدیاتی قانون کے خلاف وہ سراپا احتجاج تھے اور ہم ان کے ساتھ ہمکلام تھے کیا وہ سلوک انہیں یاد نہیں ہو گا؟کیا وہ نہیں جانتے کہ پیپلزپارٹی نے پچھلے پندرہ سالہ اقتدار میں حیدرآباد اور کراچی میں ان کے ووٹرز کیساتھ کیا سلوک روا رکھا؟، شاہ محمود قریشی نے کہا کہ وقتی ملاقاتوں کی بنیاد پر صورتحال کا درست ہتجزیہ نہیں کیا جاسکتا۔جب ہم صورتحال کو تسلسل کے زاویے سے دیکھتے ہیں تو اطمینان ہوتا ہے