جھنگ (نمائندہ خصوصی)ڈی پی اوملک طارق محبوب کا ضلع بھر میں قائم فحاشی کے اڈوں اور قحبہ خانوں کے خلاف انٹیلی جینس بیسڈ آپریشن کے احکامات جاری کر دئیے،مربوط حکمت علمی کے تحت نتیجہ خیز آئی بی او آپریشنز کئے جائیں،اگر کسی پولیس اہلکار کی مخبری کی وجہ سے پولیس کا کوئی آپریشن بے نتیجہ رہا تو اس اہلکار کو ملازمت سے برخاست کر کے قانون کے مطابق فوجداری کارروائی ہو گی،ان خیالات کا اظہار ڈی پی او جھنگ ملک طارق محبوب نے ضلع بھر کے پولیس افسران کو پروفیشنل احکا مات دیتے ہوئے کیا،ڈی پی او نے کہا کہ فحاشی کے اڈے اور قحبہ خانے تمام قسم کے جرائم کی آماجگاہ ہوتے ہیں،ایک تو نوجوان نسل ان مقامات سے بے راہ روی کا شکار ہوتی ہے،دوسرا ڈکیتی جیسی سنگین وارداتوں کی منصوبہ بندی کرنے والے بھی انہیں بدنام مقامات کو استعمال کرتے ہیں،ڈی پی او ملک طارق محبوب نے کہا کہ ضلع بھر میں قائم فحاشی کے اڈوں اور قحبہ خانوں کے خلاف قانونی کارروائی کے لئے مربوط حکمت عملی کے تحت آپریشن شروع کروا دیا گیا ہے جو قانون نافذ کرنے والے دیگر اداروں کے ساتھ معلومات و اطلاعات کے تبادلے کے بعدنتیجہ خیز بنانے کے لئے ترتیب دیا گیا ہے،ڈی پی او نے کہا کہ فحاشی کے اڈوں اور قحبہ خانوں کے خلاف قانونی آپریشن کی ایک فیصد ناکامی بھی قابل برداشت نہیں،اس طرح قانونی آپریشنز کئے جائیں کہ یہ ہر صورت نتیجہ خیز ہوں،ڈی پی او ملک طارق محبوب نے کہا کہ خدا نخواستہ اگر کوئی قانون آپریشن کسی پولیس اہلکار کے قانون شکنوں کے ساتھ مکس اپ ہونے اور پولیس اہلکار کی مخبری کی وجہ سے بے نتیجہ ہوا تو اس اہلکار کو ملازمت سے برخاست کر کے فوجداری قانونی کارروائی بھی کی جائے گی،ڈی پی او نے اس آپریشن کی نگرانی ایس پی انوسٹی گیشن کے سپرد کر دی
