کراچی (نمائندہ خصوصی) ضمنی بلدیاتی انتخابات کیلئے انتخابی مہم کا وقت ختم ہوچکا ہے، کراچی کی11یوسیز اور 15 وارڈز کی نشستوں پر پولنگ (آج)اتوارکو ہوگی۔کراچی میں مجموعی طور پر 234 امیدوار مد مقابل ہیں۔11یوسیز پر 119 امیدواروں اور وارڈز کی 15 نشستوں پر 115 امیدواروں کے درمیان مقابلہ ہوگا۔الیکشن کمیشن پولنگ عملے کو سامان کی ترسیل ہوگئی ہے۔ ضلع کورنگی، وسطی اور غربی کی 3-3 یوسیز میں ضمنی انتخابات ہوں گے۔ ضلع کیماڑی اور جنوبی کی 1-1 یوسی میں ضمنی انتخابات ہوں گے۔ضلع کیماڑی اور شرقی کے 6-6 وارڈز میں پولنگ ہوگی۔ ضلع کورنگی کے 2 اور ضلع غربی کے ایک وارڈ میں پولنگ ہوگی۔
