دبئی:میان نواز شریف کی آمد میں تاخیر

دبئی/جدہ(نمائندہ خصوصی )مسلم لیگ (ن) کے قائد نواز شریف کی سعودی عرب سے دبئی آمد کا پروگرام مختصر تاخیر کا شکار ہوگیا۔ذرائع کے مطابق نواز شریف نے دبئی کیلئے پاکستانی وقت کے مطابق صبح ساڑھے 10 بجے کی پرواز لینا تھی لیکن ان کی دبئی کی پرواز میں تاخیر کی وجہ سعودی عرب میں ایک ضروری میٹنگ ہے۔ذرائع نے تصدیق کی کہ نواز شریف میٹنگ میں شرکت کے بعد آج دبئی پہنچیں گے، ان کے ہمراہ سعودی عرب جانے والے رفقا بھی دبئی پہنچیں گے جب کہ نواز شریف کے ذاتی معالج ڈاکٹر عدنان آج دبئی پہنچیں گے مسلم لیگیذرائع کا بتانا ہےکہ ڈاکٹر عدنان نواز شریف کے ساتھ 21 اکتوبر کو واپس وطن جائیں گے، ڈاکٹر عدنان تقریباً 2 ہفتہ قبل لندن سے پاکستان گئے تھے، انہوں نے بیشتر وقت نواز شریف کے ساتھ برطانیہ میں گزارا ہے۔