مکہ مکرمہ میں عالمی اسلامی کانفرنس کا آغاز

مکہ مکرمہ (نمائندہ خصوصی)مکہ مکرمہ میں عالمی اسلامی کانفرنس شروع ہوگئی۔غیرملکی خبررساں ادارے کے مطابق کانفرنس میں سعودی وزیر اسلامی امور ڈاکٹر عبدالطیف آل شیخ نے افتتاحی خطاب کیا۔عالمی اسلامی کانفرنس وزارت اسلامی امور،دعوت وارشادکےتحت کی گئی جو 2 روز پر مشتمل ہے جس میں پاکستان سمیت 85 ملکوں کے 150 عالم دین،مفتیان کرام،اسلامی محققین شریک ہوں گے۔کانفرنس کا مقصد مختلف ممالک کے علما، مفتیان، مکاتب فکر، محققین میں ربط قائم کرناہے۔کانفرنس میں شرکا سات پینلز پر مباحثہ کریں گے اور مباحثے کا موضوع ‘رواداری اورباہم برداشت’، ‘انتہا پسندی اور دہشت گردی’ اور’علما کرام اور دینی محکموں کے کردار’ سمیت مسلمانوں کو درپیش دیگر مسائل پر بات کی جائے گی۔