امریکہ کا غزہ میں امدادی سامان کے تین طیارے بھجوانے کا اعلان

واشنگٹن ، دوہا (نیٹ نیوز ) امریکا کی جانب سے غزہ میں امدادی سامان کے 3 طیارے بھیجوائے جائیں گے، جب کہ قطری وزارت خارجہ کا کہنا ہے کہ قطر جنگ بندی میں توسیع کے لیے فریقوں کے ساتھ کام کر رہا ہے۔ غیر ملکی خبر رساں ادارے کے مطابق امریکا کی جانب سے غزہ میں امدادی سامان کے 3 طیارے بھجوائے جائیں گے۔ قطری وزارت خارجہ کی جانب سے جاری ہونے والے بیان میں کہا گیا ہے کہ قطر جنگ بندی میں توسیع کے لیے فریقوں کے ساتھ کام کر رہا ہے۔ بیان میں کہا گیا ہے کہ مذاکراتی عمل کے تمام پہلوو¿ں میں مشکلات ہیں، ہر فریق کے اپنے مطالبات اور تحفظات ہیں، اسرائیل کے ساتھ مذاکراتی عمل مشکل ہے۔ بیان میں کہا گیا ہے کہ غزہ میں یرغمالیوں کی مجموعی تعداد کی تصدیق نہیں کی جاسکتی، تاہم بچوں اور عورتوں کی رہائی ترجیح ہے، فوجیوں کی رہائی پر بات جیت بعد میں ہوگی، غزہ میں مستقل جنگ بندی کے لیے ثالثی کو مضبوط کر رہے ہیں۔