انقرہ : ترک حکام نے براعظم ایشیا اور یورپ کو آپس میں ملانے والا دنیا کا سب سے بڑا معلق پُل ‘سسپنشن برج’ تیار ہوگیا۔
غیر ملکی میڈیا کے مطابق ترکی کے شہر چناق قلعہ میں آبنائے داردانل پر تعمیر کیے جانے والے سسپنشن برج کے افتتاح کی تاریخوں کا اعلان جلد کیا جائے گا۔
ترک حکام کا کہنا ہے کہ دنیا کے سب سے بڑے معلق پل کو تین ارب ڈالرز کی لاگت سے تیار کیا گیا ہے، جس کی لمبائی 4.6 کلومیٹر ہے۔
رپورٹ کے مطابق اس پُل کی تعمیر مارچ 2017 میں شروع ہوئی تھی جس کا افتتاح تین ماہ قبل کیا جانا تھا تاہم کرونا کی وبائی صورتحال کے باعث پُل کی تعمیر میں تاخیر ہوئی۔
رپورٹ میں بتایا گیا ہے کہ اس پل کو سنبھالنے کےلیے تعمیر کیے گئے دو بلند و بالا ٹاور کی اونچائی 318 میٹر بتائی گئی ہے جب کہ ایک ستون سے دوسرے ستون کے درمیان کا فاصلہ 2023 میٹر کا ہے۔
پل کے ستونوں کے درمیان فاصلہ 2023 میٹر رکھنے کی وجہ یہ ہے کہ 2023ء میں جمہوریہ ترکی اپنے قیام کی 100 ویں سالگرہ منائے گا۔
