ایران نے سیستان بلوچستان میں سرگرم مسلح بلوچ گروہ کے مبینہ رکن کو پھانسی دیدی:

تہران:(انٹرنیشنل ڈیسک)ایران نے سیستان بلوچستان میں سرگرم مسلح بلوچ گروہ ’انصار الفرقان‘ سے تعلق رکھنے والے ایک مبینہ رکن کو پھانسی دے دی ہے۔ ایران کی نیم سرکاری خبر رساں ایجنسی ’تسنیم‘ کے مطابق، سزائے موت پانے والے قیدی کی شناخت عبدالخلیل شاہ بخش کے نام سے ہوئی ہے جس پر سیکورٹی فورسز کے خلاف مسلح بغاوت اور ایک دہشت گرد گروہ کی رکنیت سمیت متعدد سنگین الزامات عائد کیے گئے تھے۔تسنیم نیوز ایجنسی نے اپنی رپورٹ میں اس بات کی تصدیق کی ہے کہ عبدالخلیل شاہ بخش پر الزامات ثابت ہونے کے بعد عدالت نے اسے موت کی سزا سنائی تھی، جس کی بعد میں ملک کی سپریم کورٹ نے بھی توثیق کر دی تھی۔