سابق برطانوی شہزادہ اینڈریو دستاویزات اسکینڈل میں گرفتار

لندن( نمائندہ خصوصی):برطانیہ کے بادشاہ چارلس کے چھوٹے بھائی، اینڈریو کو سرکاری اختیارات کے غلط استعمال کے شبے میں اس الزام پر گرفتار کرلیا گیا کہ انہوں نے مبینہ طور پر حساس سرکاری دستاویزات جیفری ایپسٹین کو فراہم کی تھیں۔اس ماہ کے آغاز میں تھیمز ویلی پولیس نے کہا تھا کہ وہ ان الزامات کا جائزہ لے رہی ہے کہ سابق برطانوی شہزادہ ماؤنٹ بیٹن ونڈسر نے یہ دستاویزات ایپسٹین —جو اب وفات پا چکے ہیں اور ایک سزا یافتہ جنسی مجرم تھے کو فراہم کی تھیں، جیسا کہ امریکی حکومت کی جانب سے جاری فائلوں میں ظاہر کیا گیا ہے۔پولیس نے پلیٹ فارم ’’ایکس‘‘ پر جاری ایک بیان میں کہا، ’’تھیمز ویلی پولیس نے سرکاری اختیارات کے غلط استعمال کے ایک مبینہ جرم کی تحقیقات شروع کر دی ہیں۔‘‘ بیان میں مزید کہا گیا، ’’نورفک سے تعلق رکھنے والے ساٹھ کی دہائی کے ایک شخص کو گرفتار کر لیا گیا ہے اور وہ پولیس حراست میں ہے۔‘‘ اس بیان میں یہ بھی کہا گیا کہ ”قومی ہدایات کے مطابق گرفتار شخص کا نام جاری نہیں کیا جائے گا۔‘‘